Dagbók

Sunnudagurin 06.07 var notin umborð í Vágsbotn, har fleiri aðrir bátar lógu, m.a.  einir 8 útlendskir.  Seinri um kvøldið var siglt ein túr til Nólsoyar, har vitja var á "Maggies".   Ein sera hugnalig "café" sum er eina vitjan verd.

Fríggjakvøldið 4. juli var, eftir langan arbeiðsdag, gjørdur ein betri biti umborð á Havreka, liggjandi í Vágsbotni.

Um miðnáttarleitið var, í góðveðrinum loyst, og siglt túr í Sandágerð og niðan við Strond og aftur í Vágsbotn.

Mikudagin 1. juli var Havreki tikin uppá land á Argjum.

Ov grunt var við nýggja upptøkuplássið, har kjølurin tók botn, áðrenn komið var inn ímóti.  Men við vælvild frá Tórshavnar Havn var tikið upp á oljukajuni ístaðin.

Botnurin vaskaður og smurdur, zink skift, skrúvan tikin av, polerað og lakkerað. Hon hevði okkurt sár, so má uttan yva skiftast nakað skjótt. 

Hósdagin 2. juli fleyt Havreki aftur.

Leygarkvøldið 20. juni sendi Havreki sms til nakrar bátar, at farið var túr til Nólsoyar - møguliga liggjað nátt.

Eingin annar bátur kom, tó so - "teinæringurin" hevði róð út og settu tey seg aftur til árarnar kl 01.  

Tá hann køvdi av við toku og sirmi og sama skili var sunnumorgunin, var loyst kl. 7 og siglt aftur til Havnar.   Settu okkum í bilin og koyrdu til Tjørnuvíkar, har pílagrímsferð skuldi gangast eftir kirkjugøtuni til Saksunar.  Eini 240 fólk møttu upp.

So tað, sum sá út til at blíva ein hálv vánaligur Nólsoyra túrur, endaði sum ein sera góður góngutúrur við við útigudstænastu í Saksun.

19. juni var farið í Sandágerð til bál.  Akkerið var kasta og døgverði etin á dekkinum.  Einir 15 bátar høvdu leita sær út í Sandágerð hetta kvøldi.

Sera kalt var, so akkerið var drigið kl 22.30 og leiðin hildin innaftur í Vágsbotn.

Fríggjadagur 29. mai

Farið var av Havnini fríggjakvøldið uml kl 20 og noðr í Sundalagið, ætlanin var at fara á á Selatræ, men vegna nógvan vind var farið víðari til Hvalvíkar, har komið var kl. 23.30

Leygardagin var loyst kl 11 og við seglum damlað suður til Selatræ, har regatta siglingin byrjaði kl 13.30.  Tá siglingin byrjaði vóru einr 40 bátar, og sigldu teir samlaðir í góðum veðrið við Juvel á ádda norður til Hvalvíkar.   Tá komið var at, var eitthvørt gott at fáa í tjaldinum.  Seinri um kvøldið var tónleikur og sangur, til nakað út á náttina.

Sunnudagin loystu flestu bátar kl 11, og sigldu aftir til Havnar - í sjask og nakað av eystanvindi.  Havreki var tó liggjandi til mánakvøldið tá siglt var til Havnar í dýrdarveðrið.

Mánadagur 18.05.2015

Segltúrur í Nólsoyrafirði.

Siglt var útum molan, seglini sett og motorurin slóktur.   Kós sett mát Glyvursnesi og út mót Borðuni, vindurin var góður, einar 6-8 m/s  framman tvørs og kom ferðin uppá 5 míl.

Vent var og hildið norð niðan gjøgnum fjørðin mót Hólmanum, har ferðin eitt skifti var 7,1 míl.

Vent var við Hólman og oman við Strond og innum molan, har motorurin var startaður og seglini tikin niður.

Aftaná var vitja í bátafelagunum

Ein frálíkur túrur.

Toftir 30.04.2015

Hóskvøldið var siglt av Havnini uml kl 19 niðan við Strond, norðum Hólman og yvir undir eysturoyar landið og inn á Skálafjørðin.  Lagt var inn í Runavík, at vita um nakar bátur var har, men nei, so hildið var fram til Søldarfjørð, har komið var uml kl 10. Har lógu 6 bátar.

Fríggjadagin kl 10 var loyst og siglt við seglum inn í Skálabotn, har mjólk v.m var keypt.  Síðan var krússa mót vindinum útaftur til Søldarfjørð, har grill og harmonikutónaeikur skuldi verða kl 18. so hesin túrur tók um 8 tímar.  Nú vóru einir 30 bátar í hylinum, og eydnaðist kvøldi væl.

Leygarmorgunin kl 10.30 var loyst aftur og siglt innaftur í Skálabotn, har vit lógu og damlaðu framvið til allir bátarnir vóru komnir.  Siglingin útaftur á Toftir byrjaði kl 12.30 og vóru einir 20 bátar í fylginum, tó tá komið var á Toftir mundu verða einir 40.

Komin á Toftir var suppa v.m. at fáa á "Nyki" og var annað undirhald av ymiskum slag í taldinum.  Um kvøldiåð var búffir keyptur og etin umborð, eins og einir tveir sjavsir vóru tiknir.

Av tí at hann segði frá sjask veðrið sunnudagin, var avgjørt at loysa kl 22 og siga til Havnar, har avgerðandi sjavsur var tikin í Vágsbotni og síðan tørnað inn.

Farið var til hús sunnumorgunin.  Teir bátar sum komu sunnudagin,  høvdu havt tvassutan túr.

Mjáflagghúning 18.04.2015