Dagbog

"Lokað hugni" 
Leygardagin skipaðu  manningarnar á Pluto og Skúvanes fyri tiltakið  "endan av sigliárið"  (onkur skrivaði í gestabókina "Lokað hugni"  mótsatt "mjáflagga hugni")

Telt var sett upp fríggjakvøldið, men leygarmorgunin var útsyningurin farin við tí og lá tað í eini rúgvu úti á bryggjukantinum.   Menn fullu tó ikki í fátt, og var í nógvum vindi og oysregnið, fingið fatur í eini stórari prosending, sum var spent upp undir takskeggið og rakk  útav altanini og niður á vegin.  Nú var turt og lýtt at grillað.

kl 14 møttust  einir 16 bátar á Argjum og siglt var inn í vágsbotn, har lagt var at og grillirnar fóru ígongd.  Ein sera hugnaligur dagur, har eini 100 fólk vóru við.

Nakrar manningar svóvu umborð og sjálvandi var ein hugnaløta aftur í bátafelagnum, har avlopsbúffar vóru grillaðir so farið var heim seinrapartin sunnudagin  - mett og vælsett.

Av Hvannasundi gekk leiðin til Runavíkar.  Túrurin suður var hampuligur, nakað nógvur vindur var í Svínoyrarfirði, men komin suður um Borðyarnes, minkaði og avgjørt var at halda fram á Runavík.  Komin suður mót Eystnesi vaks vindurin aftur upp í eina 15 m/s við hvirlum upp í 24 m/s.  Seglið var repa, men tungt var at koma innum og rættuliga óslatt.  Men eftir knappar 5 tímar var komið á Runavík.

Fríggjamorgunin gekk leiðin til Eiðis.  Potturin við ferskari grind var settur útá, og nakað norðan fyri Langasand, var ankrað upp fyri at eta døgverða.

Meðan etið var, kom Linni at borði og seinri eisini Flísin,  tey fingu sjálvsagt eina bita við.

Eftir at hava sovið í Hvannasundi, var hósmorgunin rópt grindaboð.  Ikki var bíða leingi so var lagt frá landi og møttu vit grindini í Svínoyrafirði.
Saman við øðrum bátum var rikið inn á Hvannasund, har grindin, 32 hval, legði beinini.
Ein týskur seglbátur, 65´ stóri "Atalanta" frá Glucksburg, hevði eisini ligið á Hvannasundi um náttina, og var hann eisini við eina løtu í rakstrinum.

Eftir at hava meldað til, var ein biti (turr grind) etin og síðan leiðin hildin suðureftir aftur,  fyri at koma til Regatta á Eiði.

Á Runavík kom uppskerðarin umborð við einum kóki av grind, sum kókað var á veg til Eiðis.

Av Árnafirði var leiðin hildin norð gjøgnum Svínoyarfjørð og ætlanin var at farða á Hvannasund.
Veðrið var av tí allarbesta, so avgjørt var at fara inn á Svínoyareiði at vita um leggjast kundi at har.  Gronin var sett mót pierinum, og helvtin av manningini, sum ikki hevði verið í Svínoy fyrr, var sett í land. 

Farast mátti frá aftur, partvís tí tað súðaði nakað, og eisini tí at Ritan kom og skuldi leggja at.

Eftir at hava flotið útfyri í umleið ½ tíma koma manningin aftur og leiðin hildin inn á Hvannasund.

Av Selatræð var siglt norður til Eiðis, har lagt var inn at gerða døgverða, og bíða eftir líkindum at farða norðum.
Landnyringur norðan var í ættini, og einir 8-10 m/s, so ikki bestu líkindi noðranfyri. 
Farið var av Eiði klokkan 17.30, seinast á vestfallinum, sum skuldi passa til kyrrindi at koma innum Rivtanga. 
Túrurin gjørdist ein rullutúrur, men komin á Rivtanga slætnaði nakað og suðurum Funning gjørdist heilt slætt.  Eftir at hava lagt inn í Leirvík eina løtu, var komið á Klakksvík uml. kl 10.

 

Leygardagin var gjørdur ein túrur suður á Dal.  Lagt var at pierinum og steðgga eina løtu. Síðan var siglt suður undir Dalsskorð og runt Dalsfles.

Fríggjadagin 13.07.12 var farið á Sandoyarstevnu í Húsavík. Fari var av Havnini uml 17,30 og við góða byrinum ið var, var lagt inn á "Skarvin" smáar 2 tímar seinri. Hóðast hann hevði ligið høgt við landnyringi í fleiri dagar, so bilaði ikki at liggja í hylinum.  Nakað av súði var, men sovandi var umborð. Leygardagin fór hann vesturum og tá batnaði
Sunnudagin seinrapart var farið aftur til Havnar

Eftir at hava staði á landi síðan mikukvøldið, var Havreki flotaður aftur.  Zink er skift, botnurin málaður eins og polerað og bonað er uttanborða.  Restin, smyrja dekk og bonað innanborða má bíða til "ein góðan dag á Selatræð"

So hevur Havreki fingið nýtt bátapláss.  Hetta er nakað annað, enn at skula hála ein teym upp hvørja ferð komið er aftur av túri.

Her eru vit á veg inn til nýggja plássið